Milo Little Olympics ilusad na
CEBU - Pormal nang ilusad karong buntag ang 2008 Milo Little Olympics atol sa senemanang SCOOP-Cebu Forum diha sa Baseline Restaurant.
Gilaumang mosalmot sa kalihukan mao si Milo Sports executive director Pat Goc-Ong ug si Visayas region’s lead organizer Ricky Ballesteros.
Kapin sa 100 nga tunghaan gikan sa nagkalain-laing bahin sa Sugbu ug sa kasikbit nga mga siyudad ug probinsiya ang nipadayag sa ilang partisipasyon ning maong n kompetisyon nga pormal buksan ugma sa hapon diha sa Cebu City Sports Center.
Molamas sa opening ceremonies mao ang pagpili og Miss Milo Little Olympics sa elementary ug secondary divisions.
Duwaon ang Olympics sa Septiyembre 6-7 ug Septiyembre 13-14. Mga duwa nga tigian mao ang athletics, swimming, badminton, chess, scrabble, gymnastics, table tennis, lawn tennis, taekwondo, sipa, sepak takraw ug volleyball.
- Latest
- Trending
