Zapatera naka-ikyas Arnie P. Atuel
Wala mahadlok og gaba ang Zapatera ug ilang gitamakan ang Knights of the Altar, 66-65 sa nagpadayong Sto. Rosario Parish Sports League 2008 didto sa San Antonio basketball court, ning siyudad.
Gibuhian dayon sa Zapatera ang nag-aso-aso nga mga puntos inubanan sa ilang maayong depensa aron pag-abante og singko puntos sa iskor nga 33-28 paghuman sa first half.
Sa paningkamot ni Bryan Negapatan, ang Knights of the Altar miratsada sa ikatulong kuwarter ug ilang naangkon ang nipis nga labaw, 49-48.
Ning higayona, natigayon ang sinukliay og mga puntos, apan ang Zapatera mao gyud ang misakmit sa kadaugan.
Ang sentro nga si Adrian Palang maoy nangulo sa Zapatera pinaagi sa pagpabuto og 22 puntos, samtang ang pilderong Knights of the Altar gipangulohan sab ni Negapatan sa iyang 23 puntos.
Sa laing aksiyon, ang Kamagayan milansang sab og daog dihang gipilde ang Cogon-Central Ramos sa overtime.
Zapatera (66) -- Palang 22, Opura 16, Emoy 12, Sarmiento 8, Capati 8.
Knights of the Altar (55) -- Negapatan 23, Llanos 12, Jovellano 10, Cutar 6, Obellano 6, Laboneda 4, Gemina 3, Obellano 1
- Latest
- Trending
