Ang mga mixed martial artists dinhi sa Sugbu makahigayon sa pagbaid sa ilang talento nunot sa pagbukas kagahapon sa Gracia Barra jiu-jitsu school diha sa I.T. Park, Lahug, ning siyudad.
Si Alvin Aguilar, ang pioneer sa University Realty Combat Championship mitambong sa pagbukas sa maong tunghaan uban ni school manager Norman Go.
Ang maong tunghaan nga nahimutang sa ikaupat nga andana sa CJRS building, motanyag og jiu-jitsu classes sa matag adlaw'ng Lunes, Miyerkules ug Biyernes sa 8-10 sa buntag. Niadtong gusto sa afternoon o evening schedules, ang mga klase himuon sa Baseline Sports and Recreation Center sa matag Martes ug Huwebes sa 7--9 sa gabii ug sa adlaw'ng Domingo sa 6-8 sa gabii.