Mercado, Castro mangulo sa 2008 PBA Draft

Sila si Mercado ug Castro nga kauban sa Philippine Basketball League (PBL) champion Harbour Centre, lakip sa 47 ka mga aplikante nga nagpa-draft ning tuiga.

Gilauman nga mamenosan ang maong listahan sa panahon nga mahingpit na ang pag-screen sa Commissioner’s Office sa mga rekisitos nga giduso sa tanang mga prospective rookies sa dili pa ang Draft Day.

Kini naglakip nilang Fil-Ams Gabe Norwood, Jared Dillinger, Chris Viardo ug Charles Waters, kinsa pulos wala pa makaduso og orihinal nga kopya sa ilang affirmation gikan sa Department of Justice (DoJ) ug sertipikasyon gikan sa Bureau of Immigration. Laktod pagkasulti, dili sila maisip nga legible alang sa draft.

Sa upat ka Fil-Am players, si Norwood, ang 6-foot-5 guard sa George Mason University kinsa niduwa alang sa national team sa tulo ka internasyonal nga torneyo sa miaging tuig ug si Dillinger maoy gikonsiderar nga first round draftees ning tuiga.