Loyola miangkon sa labing unang titulo

Naangkon ni Venancio Loyola ang labing unang korona sa Talisay Monthly Chess Blitz  nga didto gipahigayon sa Talisay South Central Square sa barangay Lawaan II sa dakbayan sa Talisay.

Si Roberto Quiros nalandig sa ikaduhang dapit, gisundan ni Joselito Loques alang sa ikatulong dapit. Mi-okupar sa ikaupat ug ikalimang dapit mao sila si Francisco Nebria ug Dennis Navales.

Sa kiddies category, gisaw-an nilang Kyle Sevillano ug John Francis Balbonsa ang tropeyo sa kampiyonato human mitapos bitbit ang managsamang puntos paghuman sa maong torneyo.

Sa laing bahin, si Jessa Marie Balbona, maoy miangkon sa Top Lady Special Award human niya mapuhali sila si Carmel Loques ug Pauline Irish Cabalda, kinsa mi-okupar sa ikaduha ug ikatulo nga dapit.

Ang torneyo gipasiugdahan sa Talisay Chess Club nga gipangulohan sa ilang presidente nga si Atty. Richard Abangan uban sa abag sa iyang opisyales nga sila si Atty. Jongjong Melendrez (vice president), Atty. Lorenzo Safico (auditor) ug Engr. Gamaliel Vicente (immediate former president ug director).