Panthers gihalwa sa warriors

Mata’g hana sa Panthers sa pagsikit, aduna’y tubag nga puntos ang Warriors ilabi na kay maayong nakaduwa si Giovanni Padillo kinsa maoy nangu sa Wariors sa iyang 18 puntos. Krusyal ang maong kadaugan tungod kay wala makaduwa niadtong tungora si Enrico-Llanto kinsa padayong nagmulo sa sakit sa iyang buko-buko.Misikit sa makadali ang Panthers, 59-61 apan taas pa kaayo ang oras ug dihang mitira ang rookie nga si Jun Michael Cantonao ug three-pointer, naka-inat ang Warriors ngadto sa 64-59 ug unya nasayop ang pasa sa Pantehrs ug pagbalik sa possession ngadto sa Warriors, napasulod ni Sam Hermosa and duha niya ka free throws aron makalabaw sila’g pito ka puntos, 66-59. Wala na’y gikasugakod ang Panthers ug dihang nabiyaan na sila ug 14 puntos, 14 points, 81-67, nabugnaw ang Panthers ug nagipug ang ilang kuko.

Si Joven Cid Cortes nga maoy relibo ni Lanto sa center, daku sab ug natampo kay gawas sa iyang 12 puntos, aduna sab siya’y lima ka rebounds ug unom ka assists.

Si Hermosa nga kanhi USP Baby Panther sa wala pa siya mobalhin ngadto sa PCU Dolphins sa NCAA, midugang ug 11 puntos ingon man sa iyang lima ka rebounds ug lima ka assists samtang sila si Cantonao ug Gene Noel Gallarde may 13 ug 10 puntos.

Ang napakgang nga rally sa Panthers gipasiugdahan sa tulo nila ka speed demons nga daw wala’y apodo nga sila si Randy Avila, Dennis Tabada ug and Jordan Bardilas apan dihang nahutdan na sila’g hangin, nahutdan sab ug espirotu ang Panthers sa ilang tinguha pag-iskor ug upset.

Wala kahuygo ang ilang licensed gunner nga si Moncrif Rogado kinsa igo lang naka-iskor ug pito ka puntos ug si John Gulane maoy mitubos kaniya ug maoy nangu sa Panthers sa iyang 14 puntos.

Ang Warriors aduna na karo’y 3-2 nga baraha samtang ang Panthers nagpanilap pa alang sa una nilang daug ug nahagsa na sa 0-3 nga baraha kauban ang Cebu Institure of Technology (CIT) Wildcats didto sa kinailadman sa team standings.

Puntos kada usa:

USC (Srs.) 81— Padillo 18, Cantonao 13, corets 12, Hermosa 11, Gallarde 10, Bautista 6, Rowe 5, Joven 3, Igao 2, Blanes 1

USPF( Srs.) 73—Gulane 14, Avila 10, Laurente 9, Filoteo 8, Rogado 7, Mohamad 6, Rivera 5, Tabada 5, Monterde 4, Delos reyes 2, Bardilas 2, Durano 1

Halftime: 39-33