Sikrito sa pagkondisyon

Sa pagkondisyon sa manok alang sa sultada dili kini katiawan kay dili lang kwarta ang naka pusta niini apil na hasta ang imong pangalan, busa hatagi og igong pagpangandam ang pagpakondisyon sa manok, una sa tanan kinahanglan nga ikaw mismo nga mag pakondisyon sa manok kondisyon usab kay kun dili apiktado ang manok nga imong gikondisyon.

Dili pwedi “ang pwedi nani!” sa pagkondisyon sa manok bisan tood kini paswerte lang? Mas dako ang kahigayonan nga mudaog sa sultada kun matag karon ug unya imong hatagan og saktong amuma ang imong manok nga gikundisyon bisan gamay nga tilimad-on aron mapukan ang imong manok, dili nimo hatagan bisan gamay nga gat-ang.Tanan nga mamuhiay og manok anaa niini nga talento galing lang mugawas ang katapul panahun na sa pagpakondisyon mao nga ang manok maoy maapektohan ulahi ang pagmahay, kun nga nong napukan sa maong away ang maong manok nga maayo man kadto mulabuk,apan ang igung hinungdan maong ang kakulang sa panahun nga gigahin sa manok panahun sa pagkondisyon.

Layo palang ang gikatakdang sultada gikinahanglan nga andamon na nimo ang imong kaugalingon sa maong sultada, kun sakto ba sa bala ang imong bulsa alang sa pagkaun ug vitamina sa imong manok alang sa pagpakondisyon, ang panahon ug bulan sa imong manok nga iapil sa sultada kinahanglan nga matukma sa iyang adlaw nga debwenas aron dako ang kahigayonan nga musaril ang imong manok.Sa sultada dili matag-an ang pagdaog apan bintaha gyud nga adunay gamay nga kasandigan aron kun maglimislimis ang sultada mupatigbabaw sa pagdaog ang imong manok, sa uban nga dili motoo niini dili kini angay nga ipamugu, apan bintaha alang nako ang kundisyon sa manok ug ang sinyal niini ug tukmang bulan alang sa iyang paglihuk sa pakig-away sa kaatbang niini nga manok sumala sa iyang balhibo ug bulok sa tiil niini.

Daghan ang angay bantayanan sa pagkondisyon sa manok mao nga kinahanglan ang kondisyon nga lawas ug panghunahuna sa usa ka handler nga mo kondisyon sa manok kay gamay nga sipyat dako ang ipikto sa manok nga gikundisyon, walay labing mabulahan kun magmadaogon ang imong manok kun di ikaw nga naghago sa pag kondisyon sa maong manok.

Nahasulod ka niini nga matang sa lingawlingaw, andam ka sa sangputan niini gikan sa kalisud hangtod nga imong makab-ot ang pangalan sa sultada. Bisan si kinsa nga anaay pangalan sa sultada nag agi og kalisod sa wala pa mapatik ang ilang pangalan sa sultad, kun ikaw nag sugod palang hugti na daan ang imong bakos aron dili ka masusama sa napakyas sa sultada kay niuli sila nga wala nay purol!

* * *

Ayaw ninyo pakyasa sa pagsalmot ang 3cocks derby sa Cordova karong umaabot Aug. 13, 2008.  Anaay guaranteed price P150T nga adunay pot nga P3500 kining derby gidumala ni Dodong ug ni Migo Loyd alang kini sa tinuig nga kapistahan sa maong dakbayan, magkita kita ta didto!!!!