A.I. Logic, Diamond Auto daog

Gipangpukan sa Cebu A.I. Logic ug Cebu Diamond Auto Supply ang ilang tagsa-tagsa ka kaabtang sa nagpadayong aksiyon sa 2008 Allied Bank basketball tournament didto sa Our Lady of Sacred Heart Parish gym.

Ang Cebu A.I. Logic naghangad sa mainitong duwa nilang Mokie Romo ug Jasper Lestino aron pagpukan sa Swerte Sa Trece sa iskor nga 69-62, samtang ang Cebu Diamond  Auto Supply midemolis sa Talamban Housing sa iskor nga 54-44.

Si Romo maoy topscorer sa Cebu A.I. Logic sa iyang 19 puntos, gisundan ni Lestino kinsa mi-ariya og 18 puntos.

Wala sab magpa-alkanse si Philip Astillo ug mipupo sab kini og 20 puntos aron pangulohan ang Cebu Diamond Auto Supply. Samtang ang Talamban Housing gipangulohan sab ni Lester Caballes sa iyang 13 puntos.

Puntos Matag Usa

Unang duwa:

Cebu Diamond (54) - Astillo 20, Sunggahid 12, Astillo 7,  Ajias 6, Adolfo 4,  Laviste 3, Bucao  2

Talamban Housing (44) - Caballes 13, Quintanilla 11, Sogue 5, Yap 4,  Benatiro 3, Genardino 2, Red 2, Montecalvo 2, Cali 2

Ikaduhang duwa:

Cebu A.I. Logic (69) - Romo 19, Lestino 18, Sanico 11, Ong 5, Velano 4,  Agujar 4, Villasica 4, Banzon 2

Swerte sa Trece (62) - Noel 19, Lucion 11, Las Piña 9, Baldoza 6, Deiparine 6, Chan 5, Trece 4, Dinampo 2