Hatton makigbukbukay ni Malignaggi

Gikompirmar ni Ricky Hatton nga mo-away siya ni Paulie Malignaggi alang sa New Yorker’s IBF light welterweight title karong Nobiyembre 22 didto sa MGM Grand sa Las Vegas, Nevada.

Ang 29-anyos nga IBO light welterweight champion mohimo sa iyang ikaupat nga away sa Las Vegas, ang dapit diin siya nakaangkon og bugtong kapildihan sa  45 ka professional fights batok ni Floyd Mayweather niadtong Disyembre sa miaging tuig.

 “I’m looking forward to challenging Malignaggi for his title. Las Vegas is a second home for me,”  matud pa ni Hatton.

 “The fans treat me like gold, I promise them another value-for-money fight.”

Si Hatton moaway nga wala ang iyang dugay na kaayong trainer nga si Billy Graham, kinsa  nipahibalo sa  iyang pagretiro sa miaging semana human sa ilang panag-uban sud sa 11 ka tuig.