CESAFI coaches nangandoy'ng mopalagpot sa UV Lancers
Walay laing pangandoy ang mga coaches sa Cebu Schools Athletic Foundation Inc. (CESAFI) kondili ang pagpukan sa University of the Visayas (UV) Green Lancers sa CESAFI 8th season nga sugdan karong Sabado diha sa Cebu Coliseum.
Upat sa pito ka mga coaches kinsa nitambong sa press conference kagahapon ang nagtuo nga mas daku’g purohan ang UV Lancers nga makampiyon gihapon ning tuiga, samtang ang duha didto mihabig sa Southwestern University (SWU) Cobras ug ang usa ka coach nagtuo nga ang University of San Jose-Recoletos (USJ-R) Jaguars maoy makaangkon sa korona.
Si UV coach Elmer 'Boy' Cabahug, nagtuo gihapon nga makadepensa sila sa ilang korona bisan pa sa iyang pag-angkon nga mas huyang sila karon kun itandi sa nanglabay nga mga katuigan.
Nagkanayon si Cabahug nga ang "garbo" isip defending champion sa miaging pito ka tuig maoy makalig-on sa ilang paningkamot ug mao sab kini ang makadasig sa iyang mga magduduwa.
Matud pa ni Cabahug nga sa higayon nga moabot sila sa finals, ang labing lig-on nilang kaatbang mao ang USJ-R Jaguars apan may katakus sab ang University of San Carlos (USC) Warriors ug SWU Cobras.
Si coach Alex dela Torre sa Cebu Institute of Technology (CIT) Wildcats nagkanayon nga mura na sila'g kampiyon kun ilang mapilde ang UV Lancers.
Si Ryan Betia, ang coaching staff sa runner-up nga USC Warriors nagkanayon nga lig-on na ang ilang ilawom karong tuiga kay aduna nay makaabag ni Enrico Llanto nga sila si Fil-Australian Emil Rowe ug si Joven Cortes.
Ang University of Cebu (UC) Webmasters aduna sab nadugang nga duha ka players nga sila si Edward Pao ug Kevin Quilantan. Ang duha pulos gikan sa
Si Luther Luke Justiniani mobalik na og duwa uban sa USJ-R Jaguars.
Ang USJ-R Jaguars nagpabiling intact uban sa walo ka players nga moduwa karon sa katapusang tuig.
- Latest
- Trending
