RP overall champion sa karting
Gisakmit sa Pilipinas ang siyam sa 14 ka titulo sa gipahigayong Asian Karting Open Championship didto sa Carmona Circuit,
Sila si Stefano Marcelo, Juha Turalba, Renz Pazcoguin ug Christian Gaddi maoy responsable sa pagdaog sa overall title.
Ang 15-anyos nga si Marcelo nga ubos sa Maranello-San Corp. Marcelo Racing mipukan ni Fahmi Ilyasa sa Malaysia sa Premiere Formula 125 Open Seniors aron pag-angkon sa korona.
Gitapos ni Marcelo ang 26-lap race sud sa 22 minutos ug 22.595 segundos.
Si Marcelo nakampiyon sab sa 2008 Shell Karting Super Series dinhi sa Sugbu niadtong Mayo ug sa 2008 World Super Karting Series niadtong Marso didto sa
Sa laing bahin, gilangkat sab ni Torralba ang ROK Senior crown batok ni Bobby Domingo sa AUTS Racing. Mipahiluna sa ikatulo mao ang Thai nga si Jonathan Reveille.
Lain pang nidaog mao sila si Brian de Val (Yamaha Cup Juniors ug Formula SL Novice), Indy Villalon (Yamaha Cup Senior ug Formula SL Expert) ug Michael Fox (Formula SL Heavy).
Ang Asian Karting Open Championship gipaluyohan sab sa PAGCOR Sports, San Miguel Corp., Shell Helix, Denso Iridium Power, Palmer Asia, Department of Tourism ug Vivere Hotel.
- Latest
- Trending
