Richmedia Digital Ads kampiyon gihapon
Giharos sa Richmedia Digital Ads ang katapusang duha ka duwa sa "best-of-three" final series batok sa Worldwide Steel, 59-41 aron paglangkat sa ikaduhang sunod-sunod nga titulo sa Winners League Basketball Tournament didto sa City Sports Club-Cebu gym sa Cebu Business Park.
Kontrolado sa Richmedia Digital Ads ang duwa gikan sa pagsugod hangtod na sa pagkahuman sa kumbati sa korte.
Ang Richmedia miabante og 13 puntos human sa first quarter, 23-10, hinuon ang Worldwide Steel luyo sa paningkamot sa managsuong Kent ug Walter Ong, kinsa nagkumboya og 20 puntos, milaslas sa labaw ug miabot na lang og nuybe puntos, apan didto ra kutob ang ilang maayong labok kay sila si Richard Mercado, Miguel Iway, Rodney Uy ug Paolo Maningo nagkurambos og mga puntos aron pag-inat og balik sa labaw.
Apan ang labing dakung natampo sa pagpadaog sa Rich Media mao sila si steals leader Norman Lopez, blocks leader ug finals MVP Jed Huang, regular season MVP Jeremy Huang ug kanhi rookie of the year Lyle Razon pinaagi sa ilang way tihik-tihik nga opensa ug depensa.
Puntos Matag
Richmedia (59) - Jeremy Huang 18, Razon 9, Jed Huang 8, Lopez 8, Mercado 8, Maningo 4, Iway 2, Uy 2
Worldwide Steel (41) - Kent Ong 13, Olvido 11, Walter Ong 7, Hing 6, Sy 3, Lim 1
- Latest
- Trending
