Inday Orping, Jollibee nidaog sa SRNA
Naka-ipsot ang Inday Orping Villamor sa ilang engkuwentro batok sa Jet Marketing sa iskor nga 63-62 pagbukas sa San Roque Neighborhood Association (SRNA) sa barangay Guadalupe niadtong Domingo didto sa Guadalupe Sports Complex.
Si Andoy Abella maoy mipadaog sa Inday Orping pinaagi sa iyang 26 puntos uban sa abag nilang Dennis Pardillo ug Dong Omelig kinsa pulos mitampo og double figures.
Si Jomar Tasco mao sab ang nangulo sa nahagsa nga Jet Marketing sa iyang 23 puntos, gisundan ni Bernie Cantancio nga miamot og 14 puntos.
Sa laing duwa, ang Jollibee mipalaway sa Francis Ian pinaagi sa pag-iskor og 85-61 nga kadaugan.
Napulo ka teams ang misalmot sa maong torneyo nga gipasiugdahan sa SRNA ubos sa ilang presidente nga si Tony Abella uban usab sa paningkamot ni Lito Posadas, ang tournament chairman.
Puntos Matag
Unang duwa:
Inday Orping (63) -- A. Abella 26, Pardillo 12, Omelig 11, Abarquez 7, B. Abella 4, Monares 3
Jet (62) -- Tasco 23, Cantancio 14, Jimenez 12, Alolor 8, Raymund 3, Francisco 2
Ikaduhang duwa:
Jollibee (85) -- Hens 18, Gines 12, Manayon 12, Dondon 12, Ely 12, Carlin 6, Wilson 4, Ticol 3, Jimmy 2, Ryan 2, Ian 2
Francis Ian (61) -- I. Abella 15, Labra 12, Mejala 7, Dondon 6, Estrada 5, A. Abella 5, Mangyao 4, Sevillano 3, Cabanilla 2, Hurboda 2 (Gabby G. Malagar)
- Latest
- Trending
