Krusyal na panalo sa SLR, TNT

Ang larong ito ang mag­dedetermina kung si­no sa Sta. Lucia at Talk ‘N Text ang sasagupa sa nag­hihintay na Barangay Gi­ne­­bra sa quarterfinal round.

Maghaharap ang Real­tors at ang Phone Pals nga­yong alas-7 ng gabi para pag-agawan ang pang-apat at huling out­right quarterfinals berth pa­ra sa 2008 PBA Fiesta Con­ference sa Ynares Cen­ter sa Antipolo City.

Bago naayos ang kani­lang banggaan para sa pagkakataong sagupain ang Ginebra sa best-of-three quarterfinals series sa Linggo, tinalo muna ng Sta. Lucia ang nagdede­pensang Alaska, 99-86, ha­bang iginupo naman ng Talk ‘N Text ang Purefoods Tender Juicy, 98-83, noong Miyerkules.

Sa nasabing tagumpay laban sa Giants, nagka­roon ng salpukan sina im­port Terrence Leather, Jon Dan Salvador at James Yap sa 9:38 ng final canto kung saan tangan ng  Pals ang 79-63 abante.

Maliban sa naturang pa­nanaig sa Purefoods, tangan rin ng Talk ‘N Text ang 2-0 rekord laban sa Sta. Lucia sa kanilang pag­haharap sa elimination round. (RCadayona)