Dad-on og balik ngadto sa Bohol ang aksiyon sa 2008 MS Motosuit Motocross Series pinaagi sa pagpahigayon sa 11th leg karong Domingo didto sa Landican, Baclayon.
Ang umaabot nga lumba giulohan og “3rd Sta. Cruz Triumfo Chapel Motocross Competition.”
Makasaksi na sab ang mga Bol-anon sa maong kulbahinam nga aksiyon nga gipaluyohan sa Imarflex Evvo Battery dihang ni-host sila sa fourth leg niadtong Mayo didto Sagbayan.
Ning higayona, ang riders mosubay og laing racetrack.
Gawas nga magtigi alang sa dungog, ang riders makahigayon sab pagbisita sa laing makasaysayanon nga mga lugar sama sa Baclayon Church, ang labing karaan nga simbahan sa nasud ug ang Blood Compact site tali nilang Miguel Lopez de Legaspi ug Rajah Sikatuna nga nahimutang sa Bool, Tagbilaran City nga dili sab kaayo layo gikan sa Baclayon.