Cebu Niños nadala sa semis
Nadala sa semifinals ang M. Lhuillier Padala-backed Cebu Niños nga gibidahan ni Richard Ian Saladaga human sa ilang 84-72 nga kadaugan batok sa Misamis Oriental Meteors sa katapusang duwa sa elimination phase sa Liga Pilipinas-Pagadian leg niadtong Biyernes sa gabii.
Si Saladaga miposa og tulo sa upat ka three-point ug 8-of-10 gikan sa field sa kinatibuk-an niyang 22 puntos aron pangulohan ang Niños, kinsa niposte og duha ka sunod-sunod nga kadaugan.
Ang Niños nabiyaan og 15 puntos sa unang-tunga, 15-30, apan gipabuthan ang Meteors, 32-7 nga bomba sa ikaduha ug ikatulong kuwarter aron pag-ilog sa labaw, 66-50 pagsugod sa final quarter.
Silang Jayford Rodriguez ug Jonas Mark Ababon mikati og 13 puntos matag usa, samtang si Marlon Basco miabuno og 11 puntos sa M. Lhuillier-Cebu Niños ni team owner Michel Lhuillier ug head coach Raul ‘Yayoy’ D. Alcoseba.
PUNTOS MATAG
MisOr (72) - De la Cuesta 18, Nailon 11, Farochilen 7, Tagupa 6, Tadena 6, Faundo 6, Espiritu 5, Caputolan 4, Saguindel 3, Concha 3, Micutuan 3
Quarterscores: 15-22; 35-37; 66-50; 84-72
- Latest
- Trending
