South Korea team mitaak na sa Sugbu

Miabot na kagabii dinhi sa Sugbu ang team sa Hang Yang  University (HYU) gikan sa South Korea alang sa 6th Asian University Basketball Championship (AUBC) “Battle of Champions” nga gikatakda  karong Hulyo 5-12 diha sa Cebu Coliseum.

 Ang HYU nga usa sa mga kontender sa maong torneyo, makigsangka  sa seven-time Cebu Schools Athletic Foundation, Inc. (CESAFI) champion University of the Visayas (UV) Green Lancers ugmang adlawa.

Uban sa  maong  team  mao si Asian basketball legend Shin Dong Pa, kinsa maoy presidente sa Korean Basketball Association (KBA).

Ang Huaqiao University sa China maoy ikaduhang langyaw'ng  team nga mosalmot sa maong torneyo nga naglakip ug upat ka local teams, duha niini gikan sa Sugbu -- ang UV Green Lancers ug ang Southwestern University (SWU) Cobras.

Ang laing duha sa unom ka teams mao ang Angeles University Foundation ug ang University of Luzon.

Ang Sangmu University sa South Korea maoy defending champion dihang ilang gipukan ang Rizal Technological University sa finals sa 5th edition sa AUBC  didto sa Daet, Camarines Norte.

Samtang mao sab kini ang ikaduhang tuig nga pagsalmot sa  Huaquiao kinsa maoy kampiyon sa Chinese University Basketball Association (CUBA) niadtong 2003.

Ang Huaquiao ug Hang Yang pulos gilangkuban og mga batan-on ug mga tag-as nga magduduwa nga naghimo kanilang top contenders  sa AUBC ning tuiga.

 Mga magduduwa sa Hang Yang mao sila si  Lee Sang Il, Lee Dong Geon, Hong Su Hwa, Kim Woo Kyum, Song Chang Yong, Kim Han Seok, Lee Heyung Keun, Song Se Joon, Jo Jae Won, Cha Ba Wee, Gim Nam Kyu, Park Sung Geun, Choo Joo Hyung ug Lee In Sung. Ang head coach mao si Kim Choon Soo uban sa iyang assistants nga sila si Lee Sang Young, Kim Young Gi ug Kim Chang Hwan.

Sa laing bahin, moabot ugma sa buntag ang  Chinese team  nga gipangulohan ni Professor Liu Bin, ang vice-president sa Huaquiao University, team  leader Song Zhenzhen deputy team leader Wang Zhen. 

Ang Huaquiao gilangkuban nilang Guganeswaran Batumalai, Chee Li Wei, Chen Rongren, Zhang Jiabin, Jiang Xinxin, Yu Xiang, Weng Delong, Wang Jiayi, Ye Chaoyong, Wang Jiajun, Lai Junqi ug Hu Haixiang uban sa ilang head coach  Liu Yuanjing ug sa assistant niining si  Qu Jingyin.

Ang Angeles University Foundation gilangkuban nilang Matthew Gray Camey, Gerard Gigante, Chucky Gomez, Guian Amell Fuertez, Aaron Santos, Patrick Musni, Jun Christopher Mendoza, Jethron Dumlao, Jay Jade Tormis, Limmeul Moises Manarang, Anthony Mallari, ug Carlo Magno Carlos. Ang coaching staff mao sila si Renato Addun, Rizal Gomez, Lamberto Gomez ug Nida Sunga.

Samtang ang University of Luzon Golden Tigers gilangkuban nilang Norman Ilao, Jonathan Panuncia, Marlon Macalalad, Wilfredo Caña, Marlon Ureta, Genan Paul Saborda, Ralph delos Santos, Ramir Baniqued, Jay-R Franada, Rodolfo Natavio, Byron Jake Vidal, Ruben Españo ug Tor Gregory Irao.