UV, ACT milansang og daog
Ang seven-time CESAFI champion University of the Visayas (UV) Green Lancers mipakaging sa Southwestern University (SWU) Cobras, 56-45 pagsugod sa 1st Mayor Lionel E. Bacaltos Cup Inter-Collegiate Basketball Tournament niadtong Sabado didto sa Bonifacio R. Bacaltos Sports Centrum lungsod sa Sibonga,
Sa sayo pa, ang Asian College of Technology (ACT) Cyber Knights mihipos sab og daog dihang ilang gilat-an ang Don Bosco College (DBC) Greywolves sa iskor nga 78-54.
Ang nakapaukyab kay midaog gihapon ang UV Green Lancers bisan walay
Ang UV Green Lancers nabiyaan og uno punto paghuman sa unang kuwarter, 9-10, apan ilang gikuniskunisan ang Cobras pinaagi sa 23-9 nga rally aron pagtak-op sa unang-tunga sa iskor nga 32-19. Ang UV Green Lancers nga walay katagbawan mipalapad sa ilang labaw 45-29 hinungdan nga mikisikisi ang Cobras tungod sa kalawom sa labaw hangtod na sa katapusang gutlo sa duwa.
Sa laing bahin, wala kaayo maglisod ang Cyber Knights pagkubit sa ilang kadaugan batok sa Don Bosco Greywolves dihang miposte dayon kini og siyete puntos nga labaw, 22-15 sa sayong bahin sa kumbati.
Ang Greywolves nakasikit sa labaw sa iskor nga 32-35, apan ang ACT dali
kaayong nakatubag pinaagi sa 23-16 run sa ikatulong kuwarter.
Sa katapusang kuwarter, ang Cyber Knights subling milusad og makabungog nga 20-9 run aron pag-angkon og 22 puntos nga kadaugan.
- Latest
- Trending
