Regidor bida sa B-Meg

Mipahungaw sa ilang kainit ang B-Meg gikan sa pagsugod aron paglubong sa San Sebastian, 76-58 sa nagpadayong 2008 San Carlos Boys High Alumni  Basketball Association (SCBHABA) season diha sa University of San Carlos (USC)-North campus gym.

Ang kanhi pro ug commercial star nga si Lou Regidor mibomba og 20 puntos, si Roy Aznar miabuno og 12 ug si Jone Sepe mitampo og 11 puntos alang sa B-Meg nga wala gyud molingi human milabaw og 12 puntos.

Namentinar sa B-Meg ang ilang 12 puntos nga labaw sa halftime, 39-27 sa wala pa nila gibingat ngadto sa 15 puntos, 60-45 sa final quarter.

Ang B-Meg walay puas nga mi-atake hangtod nga ilang naangkon ang 18 puntos nga kadaugan. 

PUNTOS MATAG USA

B-Meg (76) -- Regidor 20, Aznar 12, Sepe 11, Diaz 11, Torejos 7, Pua 6, Mercado 5, Biano 2, Castellano 2

San Sebastian (58)  -- Tabares 21, Simene 14, Aluben 8, Burila 7, Cuyos 5, Derecho 2, Honorio 1