Dumanjug nakalingkawas sa Malabuyoc
Milansang na sab og 30 puntos si Simon Bigno diin ang Dumanjug ni coach Julian Macoy mipukan sa Malabuyoc, 96-84 alang sa ilang sunod-sunod nga daog sa nagpadayong League of Municipalities of the Philippines (LMP) Developmental Basketball League didto sa Dumanjug Friendship gym sa miaging adlaw.
Si Bigno mi-iskor sab og 30 puntos atol sa ilang 86-76 nga kadaugan batok sa Ginatilan.
Ang Dumanjug kinsa nagbibit og 3-3 nga baraha, mobisita karon sa Moalboal ug nagtinguha kini mobawos sa ilang kapildihan didto mismo sa ilang kaugalingon balwarte sa miaging semana. Ang laing duha ka teams nga nasakop sa ilang cluster mao ang Barili ug Alegria nga pulos adunay 1-1 win-loss records.
Naglisod og birada ang Dumanjug, apan kalit nga miratsada si James Bayuhin, kinsa mipasulod og 12 ka sunod-sunod nga puntos sa third period aron mainat pagkuha og dos puntos nga bentaha paghuman sa halftime, 43-41.
Gikan niadto, giduslitan na nilang Bigno ug Bayuhin ang opensa sa Dumanjug. Nakatabang sab og daku sila si Raymond Handumon ug Mark Fernandez nga pulos miposte og double figures. Si Handumon miamot og 13 puntos ug si Fernandez mitampo og 12 puntos alang sa kadaugan.
Puntos Matag
Dumanjug (96) -- Bigno 30, Bayuhin 18, Handumon 13, Fernandez 12, K. Quirante 8, Dela Vega 6, Sandot 5, Dupal-ag 2, R. Quirante 2
Malabuyoc (84) -- Legarde 28, Ocot 26, Ybas 13, Dordodo 8, R. Ocot 5, Allesada 2, Pimentel 2
- Latest
- Trending
