Si Ceiling Villarosa maoy labing unang mananaog sa Criterium Rider of the Month (CRM), ang labing bag-ong senemanang racer competition dinhi sa Sugbu nga didto gipahigayon sa Mandaue City reclamation area.
Gipukan ni Villarosa si Nonoy Abasola alang sa kinatas-ang dapit, samtang si Nanie Quijano milandig sa ikatulo nga dapit.
Mikompleto sa top five mao sila si Rudy Mendoza ug gisundan ni Ezra Arcena alang sa ikaupat ug ikalima nga mga dapit.
Sa CRM, ang nag-unang lima lang ka riders ang hatagan og puntos diin ang top rider makakuha og labing taas 25 puntos. Ang second 20 puntos, ang third 16 puntos, ang fourth 13 puntos ug ang fifth 11 puntos.
Ang rider nga makatigom og dakung puntos sa maong bulan ang makadaog sa CRM award.
Ang CRM gipaluyohan sa Dan Wistihuff III, Ericnet ug Lim’s Farm.