Hero Commando gibanatan sa Amihan Bags
Nasakmit og balik sa Amihan Bags ang liderato pinaagi sa pagpukan sa Hero Commando, 94-90 sa nagpadayong aksiyon sa Power Forty President’s Cup Summer League 2008 niadtong Martes didto sa Inayawan Sports Complex.
Sa unang duwa, naka-eskapo ang Fag Machine Shop gikan sa mga kamot sa Christine Traders sa ilang kulbahinam nga duwa sa iskor nga 102-101.
Ang Amihan nga gipangulohan ni Michael Arias kinsa mibahog og 32 puntos naghupot na karon og 6-3 nga baraha ug temporaryo karong naghari sa liderato, samtang ang Hero Commando nagbitay sa kinailawmang bahin bitbit ang 2-7 nga baraha.
Sa laing bahin, nagmangtas na sab si Mario Tabar pinaagi sa iyang 37 puntos aron pangulohan ang Fag Machine Shop, samtang si Gogo Fuentes miamot og 24 puntos alang sa maong kadaugan.
Si El Presidente Vez Eleguin miposa og 24 puntos, samtang si Edwin Dejacto mitampo og 20 puntos alang sa pilderong Christine Traders
Puntos Matag
Unang duwa:
Fag Machine (102) -- Tabar 37, Fuentes 24, Mosqueda 12, Abasolo 11, Villoga 6, Ylaya 4, Sabejon 4, Ramil 3, Cabrera 2
Christine (101) -- Eleguin 24, Dejacto 20, Escalon 19, Delarama 15, Sabellano 10, Claro 6, Abalo 4, Dacalos 4
Ikaduhang duwa:
Amihan (94) -- Arias 32, Layon 19, Dejarme 15, Ozon 8, Echavez 8, Colinares 6, Yosores 2, Rama 2
Hero Commando (90) -- Javierto 20, Genzon 15, Rosal 13, Ibones 11, Cabañero 11, Navares 9, Lalican 8
- Latest
- Trending
