"Sobra sa Kuwarenta" 3-on-3 basketball tourney ipahigayon

Hatagan  og panahon ang dugay na sa duyan sa pagpakita sa ilang talento sa natad sa basketbol sa ipahigayong 2008 Vice Mayor Ember Alinsug ‘Sobra sa Kuwarenta” 3-on-3 Basketball Tournament karong Domingo sa alas-8:00 sa buntag diha sa Consolacion Sports Complex.

Si  event organizer Paul Flores, kanhi sakop sa Far Eastern University (FEU) Tamaraws sa UAAP, nagkanayon nga mao kini ang third leg sa series sa 3-on-3 cage tilts nga ilang gipasiugdahan.

Matud  pa  ni Flores nga libre ang registration, apan ang mga partisipante kinahanglan nga matuod  nga  molupyo sa Consolacion.

Dugang pa ni Flores  nga ang  tanang mga magduduwa kinahanglan motambong atol sa opening ceremony.

Ang matag  team langkuban og upat ka players  ug  usa ka miyembro kinahanglan molapas og 40 anyos, samtang ang uban kinahanglan dili momenos 35 anyos.

Alang sa dugang mga detalye, mohimong motawag ni Alelu Flores sa 0921-6039243 o 0922-5172941.