Kali Carcel hawod sab sa karting

Gilupig ni Kalyka Antoni ‘Kali’ Carcel ang mga lalaking niyang kaatbang aron paghari sa iyang kategoriya sa 3rd leg sa Kartzone Karting Series 2008 niadtong miaging adlaw didto sa Kartzone sa Panagdait sa barangay Mabolo, ning siyudad.

Si Kali Carcel kinsa nakapakita sab og aksiyon sa taekwondo mipamatuod nga aduna siya’y katakus nga mamahimong karter champion sama sa iyang igsuong lalaki nga si Tonyo.

Si Carcel mihaguros ug  wala matupngi ang iyang kapintas sa tanang tulo ka heats nga igo na kaayo alang kaniya sa pagdaog sa ROK crown.

Si Jette Calderon mipahiluna sa ikaduha ug si JT Gullas maoy miangkon sa ikatulo nga dapit.