Orange Milupig sa Yellow Gold

Namansahan ang baraha sa Yellow Gold dihang gipilde kini sa Orange sa iskor 64-58   sa nagpadayong aksiyon sa Barangay Sta. Cruz Inter-color Sports Tournament didto sa Pelaez Ext. Basketball Court sa Barangay Sta Cruz, ning siyudad.

Sikit kaayo ang kumbati sa duha nga miresulta sa panagtabla,16-all, apan milutaw ang Orange team sa second quarter aron pag-abante og tres puntos 33-30 paghuman sa first half.

Ang Orange team padayon nga mipabuhagay sa ilang opensa nga nakapainat og gamay sa ilang labaw, 49-44 sa ikatulong kuwarter. Ang Orange nga padayong misansan og iskor mipaburot og maayo sa ilang labaw hangtod nga nahurot ang oras sa ilang duwa.

Nangulo sa kadaugan sa Orange mao si Obregon nga miposte og 18 puntos, gisundan  ni Cabiellon nga miamot og 17 puntos, samtang si Dy nga adunay 18 puntos maoy topscorer sa pilderong Yellow Gold.  

Puntos Matag Usa

ORANGE (64)  -- Obregon 18, Cabiellon 17, Ty 11, Iso 10, Badayos 8

Yellow Gold (58) -- Dy 18,  Fuentes 13,  Lim 7, Kapotol 6, Tan 6,  Diano 4,  Arao 2, Arias 2