Upper Day-as nakaipsot sa SYC Day-as, 91-88

Bisan  pa sa daghang mga pagsuway, wala gyud matarog ang Upper Day-as ug maoy mipatigbabaw  batok sa  SYC Day-as sa iskor nga 91-88  sa nagpadayong Barangay Day-as Sports League  2008  didto sa Day-as  Sports Complex.

Lig-on kaayo ang depensa nga  gipatuman sa Upper Day-as pagsugod sa duwa hinungdan nga naglisod ang SYC Day-as pagpasulod sa ilang opensa.

Ang SYC Day-as misuway og lumpag sa lig-on depensa sa Upper Day-as nga nakapahiyos sa labaw pinaagi sa paningkamot ni Codilla kinsa miposa og 11 puntos sa second quarter. 

Wala hinuon mahulga ang Upper Day-as kay napusotpusot man sab ang mga puntos nilang Sotto ug Gooden kinsa mibugha og 24 puntos matag usa aron pangulohan ang ilang koponan.

Gawas nilang Sotto ug Gooden, si Cabibil nakakuha sab og double figure pinaagi sa iyang 16 puntos.

PUNTOS MATAG USA

Upper Day-as (91) -- Sotto 24, Gooden 24, Cabibil 16, Yap 7, Tayactac 7, Dela Victoria 4, Senon 4,  Prelago 3,  Ralimbo 2

SYC Day-as (88) --  Codilla 31, Tans 20, Salem 11,   Morte 4,   Flores 6,  Pino 6, Espina 5, Morte 4,  Gorgono 3,  Espina 2  (Orchids Lapingcao, CNU Communication Intern)