20 ka lungsod miapil sa LMP

Miabot og 20 ka lungsod   sa lalawigan sa Sugbo ang mopakita’g aksiyon sa 1st League of Municipalities of the Philippines (LMP)-Cebu Developmental Basketball League nga gibuksan niadtong Miyerkules didto sa Minglanilla Sports Complex.

Ang 20 ka teams nga niapil sa LMP opening mao ang Compostela, Cordova, Liloan, Asturias, Tuburan, Minglanilla, Dumanjug, Sibonga, Moalboal, Alegria, Malabuyoc, Ginatilan, Samboan, Santander, Boljoon, Dalaguete, San Fernando, Madridejos ug Argao.
Naghatag og lamas sa opening ceremonies mao ang pagpili sa “Miss LMP 2008”  nga nadaog ni  Elfbeth Abapo sa Santander. Ang 17 anyos nga si Abapo, usa ka sophomore BS Nursing student sa University of Cebu (UC).

Ang  mayor sa Santander nga si Wilson Wenceslao mipadangat sa iyang pahalipay ngadto kang Miss Abapo pinaagi ni Mayor Baricuatro kinsa maoy nagtunol sa  P3 mil  nga ganting salapi   uban sa abag  ni  commissioner Ramon  ‘ El Presidente’ Fernandez.