Subangdaku spikers unang milangkat sa titulo
Nadepensahan sa Subangdaku spikers ang ilang walay buling nga baraha aron paglangkat sa labing unang kampiyonato sa 1st Mayor Jonas Cortes Cup Volleyball Tournament didto sa
Ang Subangdaku ni coach Dino Arribal midaog sa Maguikay sud sa duha ka sets luyo sa naghaguros nga atake ni two-time CESAFI MVP Roderick Arenasa ug Edward Carlo Tecson.
Ang mga paningkamot nilang Geroel Aragones, Rio Encabo, Aldin Potot, Rene Cababan, Demetrio Amomonpon, Christian Mansueto. Bernabe Marquez, Arvin Bonsukan, Abner Embrado, Dandy Quidlat, Mamerto ug Fernando Dumaog, nakatabang usab sa kadaugan sa Subangdaku.
Si Arenasa, kinsa miladlad og maayo sa iyang abilidad maoy nakaangkon sa Most Valuable Player award, samtang si Tecson maoy napiling Best Attacker. Ang Best Libero award napunta ni Leon Baldapan sa Maguikay.
Sa laing bahin, ang Barangay Omapad maoy miangkon sa ikatulo nga dapit human gipilde ang Barangay Ibabao, Estancia.
Gawas sa tropeyo ug medalya, ang Subangdaku ni Brgy. Capt. Walter Dy nakadawat og P15,000, samtang ang Maguikay mibira og P10,000.
Gumikan sa maong kalamposan, si Mandaue City Mayor Jonas Cortes naglaraw nga mohimo og susamang kalihukan sunod buwan nga kabahin sa Charter Day celebration sa maong dakbayan.
- Latest
- Trending
