Pormal na nga gilusad ang “Bugsay 2008” nga gikatakda karong Mayo 21-25 diha sa South Reclamation Project (SRP) niadtong miaging gabii didto sa Turtle’s Nest.
Gilauman sa organizing Cebu Kayaking Club nga daghan ang mangapil sa maong kalihukan.
Ang kayaking festival naglakip sa clinic adto Karancho Beach sa Mactan ug sa SRP, boat exhibit ug kompetisyon.
Ang kompetisyon himuon sa Mayo 24-25 nga adunay duha ka race lengths, ang sprint ug ang 3-kilometer marathon.
Mga kategoriya sa duha ka lumba naglakip sa open, inter-school ug inter-company.
Matag kategoriya adunay lima ka events ug kini mao ang novice single ug mixed tandem, men ug women’s tandem ug mixed tandem.
Adunay kolektahon nga P250 registration. Ang mga sakop sa Jump-off Point Adventure Club mobayad lang og P200.
Alang sa dugang mga kasayoran, tawag lang sa numero 0920-961-6680, 0915-7877272, 0906-5519757, or (032) 236-5679.