60 ka tinun-an misalmot sa second batch

Adunay 60 ka mga estudyante ang misalmot sa second batch (advanced level) sa  5th Sirlitz One-on-One Play Like The Pros Basketball Clinic didto sa Guadalupe Sports Complex ning siyudad.

Sa 60 ka tinun-an, 40 niini gikan sa advanced level, samtang 20 gikan sa beginners level.

Ang summer camp training  gisugdan niadtong Mayo 1 ug gitakdang matapos karong Mayo 31. Hinuon,

 ang organizers padayon pa nga manawat og mga estudyante nga nagpangedaron gikan sa sayes hangtod sa 18-anyos.

Ang basketball clinic gilangkuban og duha ka kategoriya -- ang Beginners category alang sa mga bag-o pa lang sa duwang basketbol ug ang Advanced category  alang niadtong gustong mopalambo pa sa ilang talento sa basketbol. 

Lakip sa itudlo ngadto sa mga estudyante mao ang shooting, footwork, dribbling ug defense. Tudloan sab ang mga estudyante og proper lay-up, one-on-one or isolation plays ug Korean-American basketball techniques.

Si Vallena ang multi-titled coach sa commercial league nagkanayon nga atol sa graduation unya sa Mayo 31, mohatag siya og individual awards ngadto sa takus nga tinun-an nga naglakip sa most valuable player, rookie of the year, best dribbling, best in shooting,

best in passing, best in lay-up, best defensive player ug most disciplined student.

Ang registration fee  nagkantidad og 1,000 matag magduduwa ug libre na niini ang reversible jersey ug basketball.

Ang training session himoun gikan sa alas 8:00 hangtod sa alas-10:00 sa buntag ug alas-10:00 sa buntag hangtod sa alas-12:00 sa udto gikan Lunes hangtod sa Sabado.

Alang sa registration ug ubang mga kasayoran, niadtong interesado mahimong motawag o text ni Vallena sa 0920-6390885.