Ang Yaw-Yan ArDigma Martial Arts Federation, Inc. modawat pa gihapon og mga tinun-an alang sa third batch sa ilang Summer Clinic diha sa Yaw-Yan ArDigma headquarters sa 3rd floor, room 304 sa Villacampa-Capuras Building duol sa UC main campus sa dalan Sanciangko, ning siyudad.
Ang Yaw-Yan ArDigma nagsumikad gikan sa duha ka syllables sa "Sayaw ng Kamatayan" ("Dance of Death"), sa kasaligang Filipino martial arts nga gipabarog ni GM Napoleon 'Nap' A. Fernandez.
Ang Yaw-Yan ArDigma usa ka all out martial arts nga gamiton ang lawas isip hinagiban.
Tuyo ug tumong sa summer clinic mao ang pagdasig sa mga kabatan-onan sa pagtuon og pangarte sa self-defense ug dili kapamasagdanon ngadto sa droga ug uban pa.