Gisugdan na ang second level sa Sunsport cage clinic

Misikad na kagahapon ang second (advanced) level sa 15th Sunsport Basketball Training Camp sa Sacred Heart Sports Club sa dalan D. Jakosalem, ning siyudad.

Ang mga  bag-ong partisipante  hatagan og susamang pakapin sama sa Sunsport basketball, back pack, t-shirt ug jersey.

Ang naka-apil sa 1st level nga mosalmot sa sunod level makakuha og dakung diskuwento sa bayranan.

Nagpadayon hangtod karon ang registration. Alang sa dugang kasayoran, tawag sa Sunsport Headquarters sa 345-1015/16 ug 0917-3205769.

Karong Mayo, ang Sunsport summer clinic adto ipahigayon sa Carcar City.

Alang sa dugang kasayoran, bisitaha ang Carcar Poblacion 1 Barangay Hall ug pangita-a si SK chairman Ace Aurobin  Z. dela Cerna ug SK member Philip Dominic T. Velez.