Firefly naka-eskapo sa Colis
Nagpabiling walay pilde ang Firefly Lighting human kini maka-eskapo pinaagi sa pag-ugkat og 88-87 nga kadaugan batok sa Team Colis sa Open division sa 6th Barangay Captain's Cup 2008 Basketball Tournament didto sa Tabunok Gym sa dakbayan sa Talisay.
Ang Colis maoy unang mikontrolar sa duwa sa sayong bahin ug milabaw kini og sayes puntos, 46-40 paghuman sa first half. Apan bisan pa niini, ang Firefly padayon nga nakigbisog ug ila nga nailog ang labaw, 79-78 sa nahabiling tres minutos sa final quarter.
Nabuhi ang paglaum sa Colis dihang nakatabla kini sa iskor, 95-all, apan kalit lang kini nahanaw dihang si Marvin Abapo mipatuasik og 3-point shot sa nahabiling 23 segundos sa duwa nga nag-iwag sa dalan sa Firefly ngadto sa kulbahinam nga kadaugan.
Ang beteranong commercial player nga si Aldrin Ocañada maoy topscorer sa Firefly nga mibahog og 27 puntos, gisundan ni Wilfred Sampilo nga miabuno og 22 puntos. Si Abapo mikandos og 14 puntos.
Puntos Matag
FIREFLY (88) -- Ocañada 27, Sampilo 22, Abapo 15, Getubig 9, Pepito 7, Javellana 4, Roncal 2, Redullosa 2, Resilla 1.
COLIS (87) -- R. Aniñon 23, Abobo 17, E. Aniñon 12, Labajo 10, Patatag 10, Cabanero 7, Pepito 4, Meñoza 2, Quimada 2
- Latest
- Trending
