Kapin sa 100 ka mga batan-on tennis players ang miapil sa Smart/Butch Bacani Summer Tennis Camp nga gisugdan kagahapon didto sa Casino Español de Cebu tennis courts.
Gipasiugdahan kini ni Butch Bacani, usa sa labing maayong tennis coaches dinhi sa Pilipinas.
Ang tulo ka semanang clinic nga bukas sa tanan adunay tulo ka kategoriya -- beginners, intermediate ug advanced.
Ang beginners himuon gikan sa 7:30 hangtod 9:30 sa buntag. Ang intermediate alas-9:30 hangtod sa alas-11:30 sa buntag ug ang advanced himuon sa ala-1:30 hangtod sa alas-3:30 sa hapon.
Ang tennis camp nga libre sa tanan tapuson sa Mayo 17.