Midaug sa unang higayon ang Welcoat Dragons dihang ilang gilamoy nga buhi ang Purefoods Chunkee Giants sa iskor, 110-103 kagabii sa nagpadayon nga Smart PBA Fiesta Conference didto sa Araneta Coliseum.
Ang Dragons aduna lang karo’y 1-4 nga baraha ug ilang naputol ang ilang 15 ka sagunson nga pilde sa PBA. Hugot nga depensa ang gipatagamtam sa Dragons ngadto kang James Yap kinsa igo lang mi-iskor ug pito ka puntos ug nakahimo lang ug 1-5 sa three-point territory.
Ang import sa Dragons nga si Marquis Gainous maoy nangu sa iyang 25 puntos gisundan ni Joe De Vance sa iyang 16 puntos ug may tag 15 puntos sila si Corey Santee, ang ikaduha ug mas mubo nga import ug ingon man si Robert Wainwright.
Ang Giants nga nagbitbit karon ug 2-3 nga baraha, gipangulohan sab sa ilang import nga si Darius Rice nga may 28 puntos samtang si Roger Yap may 22 puntos. Ning pagsuwat, nagpadayon pa ang duwa tali sa Magnoilia Ice Cream ug Brangay Ginebra Kings.