Si Sally Mae Siso, kinsa gikatakda nga moduwa sa China mipukan ni Macy Gonzales, ang iyang teammate sa RP Juniors team sud sa duha ka sets, 6-3, 6-0 aron paglangkat sa girls 14-under title sa Hilado Cup kagahapon didto sa Rizal Memorial Sports Complex tennis courts sa Vito Cruz, Manila.
Ang Sugbuanang si Siso nakabaton og first round bye, dayon iyang gisirohan si Joy Yuen, 6-0, 6-0.
Sa semifinal, si Siso milansang og laing kadaugan human gipilde si Jana Peña, 6-2, 6-0.
Si Siso nagtinguhang mosakmit og laing titulo karong buntag diin iyang sangkaon si Gonzales o dili ba si Samantha Coyuito sa girls 16-under final.
Mi-abante si Siso sa final round human gipilde si Enah Baba, 6-1, 6-0 sa penultimate round.
Human sa kampiyonato, sila si Siso, Gonzales ug Shanine Olivarez mogikan paingon sa China aron mopakita’g aksiyon sa 2008 Asia-Oceana World Juniors Championships nga gikatakda karong Abril 21-27 sa East Lake Tennis Club sa Shenzen.