UTASSCO, Hero napandol
Gipakgang sa DJD Eng'g ang UTASSCO Utility sa iskor nga 89-69, samtang mibangon sab ang Amihan dihang ilang giparot ang Hero Commando sa iskor nga 84-77 sa nagpadayong Power Forty Basketball Tournament Summer League President’s Cup niadtong Martes didto sa Inayawan Sports Complex.
Sila si Wewe Cabrera ug Cading Vernaiz maoy nangulo sa kampanya sa DJD Eng'g. pagpakgang sa mangtas nga UTASSCO kinsa gilubong og 20 puntos paghuman sa duwa.
Si Cabrera mikulit og 30 puntos ug si Vernaiz midugang og 20 puntos.
Si Alex Mercado mi-iskor og 20 puntos alang sa pilderong UTASSCO (3-2) nga mitahan sa ilang liderato ngadto sa Christine Trading kinsa nagbitbit og 3-1 nga baraha.
Ang Amihan gipangulohan sab ni Domie Ozon pinaagi sa paglansang og 29 puntos, gisundan ni Michael Arias sa iyang 20 puntos.
Sila si Jojo Ibones ug Marcial Genzon mao sab ang nangulo sa Hero Commando nga mibugha og 20 puntos matag
Puntos matag
Unang duwa:
DJD Eng'g. (89) -- Cabrera 30, Vernaiz 20, Gerali 19, Balbanera 12, Ocampo 4, Abatayo 2, Abasolo 2, Nuñez 2
UTASSCO (69) -- Mercado 20, Nacional 11, Reyes 11, Lisondra 8, Labajo 8, Moniva 6, Filisopo 5
Ikaduhang duwa:
Amihan Bag (84) -- Ozon 29, Arias 20, Layon 12, Rama 11, Dejarme 8, Echavez 2, Colinares 2
Hero Commando (77) -- Genzon 20, Ibones 20, Lalican 10, Rosal 10, Javierto 5, Navares 5, Tura 2
- Latest
- Trending
