Clark Tiu mipakgang ni Michelle Lim
Napugngan ni Clark Tiu ang tinguha ni Michelle Lim kinsa mosakiyo og sunod-sunod nga titulo sa Bowlingplex Tenpin Association (BTA) Bowler of the Month dihang mihipos kini og kinatibuk-ang 1,672 pinfalls aron paghari sa March edition sa binulan nga torneyo didto sa Gaisano Bowlingplex sa barangay Banilad, ning siyudad.
Nanginit si Tiu pagsugod aron pagtumba og 246 pins sa una sa eighth-game series. Iyang namintenar ang ilang maayong duwa sa sunod nga upat ka duwa nga naggiya kaniya ngadto sa kadaugan.
Si Lim nga nahimutang sa ikaduha adunay 1,582 pinfalls, gisundan ni Bel Suelto sa iyang 1,573 pinfalls.
Mikompleto sa top-10 sa March finals mao sila si Jacklynn Lim (1,571), Clarence Tiu (1,565), Lolong Uy (1,529), Germaine Uang (1,513), Wilbert Yu (1,472), Charly Michael (1,465) ug Xyrra Cabusas (1,423).
- Latest
- Trending
