5th Thirsty Badminton Cup andam na
Andam na ang tanan alang sa 5th Thirsty Badminton Cup nga gikatakda karong Abril 19-20 diha sa Metrosports Badminton Club sa Salinas Drive sa Barangay Lahug, ning siyudad.
Mga kategoriya nga tigian sa duha ka adlaw nga kompetisyon mao ang boys, girls and mixed doubles alang sa 12-under, 14-under ug 16-under entries kon The Youngsters, men's, women's and mixed doubles alang sa Class C, Class D, Class E ug Class F players kon The Main Event ug men's, women's and mixed doubles alang sa 38-year old and above participants kon The Prime Years.
Ang registration fee nagkantidad og P650 alang sa Main Event ug sa The Prime Years ug P500 alang sa The Youngsters libre na ang souvenir shirt, shuttlecocks, court fee ug leveling fee.
Gawas sa mga medalya, ang Class C champion mobulsa og P5,000, samtang ang top winners sa Class D makadawat og P3,000.
Ang mga kampiyon sa Class E ug Class F makadawat og P1,000 matag
Ang deadline sa registration kutob lamang karong adlawa.
Alang sa dugang kasayoran, niadtong interesado mahimong motawag o text ni Mitch sa 0917-3264824 o dili ba ni Ann sa 0917-3253768.
- Latest
- Trending
