10th Time Out Summer Basketball Clinic, Danao expansion sugdan karong adlawa
Sugdan na karong adlawa ang Danao expansion sa 10th Time Out Summer Basketball Clinic diha sa Danao City Sports and
Si training camp director Rex Salvaña, ang kanhi Cebu Gems assistant coach sa nabungkad na nga Metropolitan Basketball Association (MBA) nagkanayon nga padayon pa gihapon silang modawat og tinun-an alang sa third phase sa ilang summer clinic.
Ang registration fee cage clinic nagkantidad lang og P1,000 libre na niini ang training uniform ug basketball.
Alang sa registration ug sa dugang mga kasayoran, tawag o text sa 0916-5644385 ug 0916-453-4639.
Ang duha ka buwan nga summer clinic bukas sa mga lalaki ug babaye. Aduna kini duha ka levels -- ang beginners nga alang niadtong nagpangedaron gikan sa siyete hangtod sa 12 anyos nga mga magduduwa ug ang advanced nga alang niadtong nag-edad og 13 hangtod sa 17 anyos nga basketbolista.
Ang training session himuon gikan sa alas-8:00 hangtod sa alas-10:00 sa buntag alang sa beginners ug alas-10:00 sa buntag hangtod sa alas-12:00 sa udto alang sa advanced campers.
Himuon sa adlaw'ng Lunes hangtod Biyernes.
Aron kalidad ang summer clinic, si Salvaña kinsa migiya sa Holcim Pryce Pharma MisOr ngadto sa talagsaong grandslam feat sa Mindanao Division sa Mindanao Visayas Basketball Association (MVBA), mikuha sa serbiyo sa mga tang-ang coaches kinsa sikat sab kaniadto sa ilang panahon aron mo-abag sa pagpadagan sa summer camp.
Sila mao si Reggie Licanda, ang head coach karon sa University of Cebu (UC) Junior Webmasters, Opel Abellana, ang chief bench tactician sa University of San Carlos (USC)-South Campus ug kanhi pro-star Teroy Albarillo.
- Latest
- Trending
