Hapee na bawi pa

Nakabawi ang Hapee Toothpaste sa Noosa Shoes sa pamamagitan ng 96-80 panalo sa PBL Lipovitan Amino Sports Cup sa  The Arena sa San Juan kagabi.

Nagposte sina Jervy Cruz at Mark Borboran ng tig-18 points sa paghihiganti ng Complete Protectors sa masaklap na 76-77 pagkatalo sa Shoe Kings sa kanilang unang pagkikita.

Sa first half pa lang may pinagsamang 27-puntos na sina Cruz at Borboran tungo sa ika-anim na panalo ng Hapee habang nalaglag naman ang Noosa sa 3-5.

Samantala, sa unang salang ni Eric dela Cuesta para sa San Mig Coffee, umiskor ito ng free throw at pinuwersa niya ang Pharex Medics na magturnover sa sumunod na play para maitakas ng Coffee Kings ang 78-77 sa first game.

Umangat ang San Mig sa 3-5 at nalaglag ang Pharex sa 5-4.