Sirlitz One-on-One, Summer Camp gidugokan

Gidugokan ang unang adlaw sa Sirlitz One-on-One summer basketball camp didto sa Guadalupe Sports Complex.

Matud pa ni camp director ug multi-titled commercial coach Edsel ‘Say’ Vallena, nga dili momenos 70 ka tinun-an ang miapil sa maong summer basketball camp ug gumikan niini, magpadayon ang registration sa maong summer camp.

Sama sa ubang cage clinic nga ipahigayon dinhi sa Sugbu matag summer, si Vallena, ang four-time champion coach sa nabungkag nga Cebu Basketball Federation (CBF) nagkanayon nga ang iyang summer camp maoy labing menos nga aduna lamang kini registration fee nga P1,000 libre na ang basketball, upper jersey ug certificates of participation niadtong makalahutay sa usa ka buwan nga training.

Ang training sessions himuon gikan sa alas 8:00-10:00 sa buntag ug alas 10:00 sa buntag hangtod sa alas12:00 sa udto, Lunes hangtod Sabado.

Alang sa dugang mga detalye, bisitaha ang Guadalupe Sports Complex o dili ba tawag ug text sa 0918-5921136 or 0920-6390885.