PCGS summer camp sugdan karong adlawa

Ang  Serbian style maoy main  pattern sa  Philippine Christian Gospel School Basketball Summer Camp  alang sa mga  tinun-an sa high-school nga sugdan karong adlawa diha sa PCGS gym.

Si coach Lawrence ‘Tata’ Merced sa Asian College of Technology (ACT) Cyber Knights miingon nga ang first batch sa levels 1-2 sugdan karong adlawa ug tapuson sa  Abril 28.

Ang training session himuon  sa adlaw’ng Lunes hangtod  Biyernes gikan sa alas-3:00 hangtod sa alas-5:00 sa hapon.

Ang second batch mosunod sa Abril 29 hangtod sa Mayo 23,  apan niadtong nakapa-enroll na alang sa basic ug advances courses makapadayon.

Ang training alang sa elementary students himuon sa gikan sa alas-7:00 hangtod sa alas-9:00 sa buntag gikan sa Lunes hangtod sa Biyernes.

Si Merced,  nahimong  coaching staff sa multi-titled M. Lhuillier Kwarta Padala sa commercial league, nagkanayon nga iyang  ipaambit  ngadto sa mga tinun-an ang tanan nga iyang nakat-onan gikan sa coaching seminar nga gipahigayon ni Serbian coach Vladi Djurovic sa Manila niadtong miaging tuig.