MLSDF Selection, Pycnogenol nagpanikad

Nagpanikad na ang MLSDF Selection ug ang   Pycnogenol/Hoop It Up-backed Cebu Institute of Technology (CIT) Wildkittens sa ilang  mainitong sangka sa  tinaktakay nga kampiyonato sa 4th M. Lhuillier Kwarta Padala Under-21  Development Basketball League ugma diha sa Consolacion Sports Complex.

MGA DUWA UGMA

(Consolacion Sports Complex)

6:30 pm

Agukoy NHS vs. SCSIT

(alang sa 3rd place)

8:00 pm

MLSDF vs. CIT

(championships)

Ang MLSDF Selection moharong sa CIT Wildkittens sa alas-8:00 sa gabii human sa duwa alang sa ikatulong dapit tali sa Agukoy National High School  sa Consolacion ug sa Salazar Colleges of Science and Institute of Technology (SCSIT) Baby Skyblazers sa alas-6:30 sa gabii.

Miabante ang MLSDF sa final round human gipalagpot ang Agukoy National High School, samtang ang CIT Wildkittens nakakuha sab og lingkoranan sa finals human gipalayas ang SCSIT.