P30M giandam nga ganti

 Trayenta mil ka pesos ang giandam nga ganting salapi  alang sa mga mananaog sa 3rd Tatay ‘Dodo’ Dosado Memorial Tennis Cup nga gikatakda ugma  sa Sogod tennis courts sa barangay Poblacion.

Ang duha ka adlaw nga kompetisyon adunay duha ka kategoriya -- ang Centennial ug Invitational/Open.

Ang nag-unang tulo ka mga mananaog sa matag dibisyon makadawat og unipormeng premyo nga P5,000, P3,000 ug P1,000.

Si tournament director Police Senior Inspector Cecilio Erasmo miingon nga ang kalihukan ipahigayon agi’g paghandom sa kamatayon ni anhing Tatay Dodo Dosado, ang bayaw ni Sogod Mayor Thaddeus ‘Deo’ Durano.

Matud pa ni Durano ang nag-una sa listahan sa mga entrante mao ang defending champion Cebu Commercial Tennis Club sa Baseline.

Mopakita sab og aksiyon ang top racquet-wielders gikan sa  Sogod, Danao, Carmen,

Bogo, Cogon-Pardo ug Bureau of Fire Protections (BFP)-7 Tennis Club.

Sa dili pa ang kumbati, adunay parada nga pagahimuon  sa alas-8:00 sa buntag ug isunod dayon ang Misa nga pagadumalaon ni Bogo parish priest Monsignor Jojo Dosado.

Ang registration fee nagkantidad og P100 matag magduduwa lakip na niini ang t-shirt nga magsilbe sab nga official uniform sa mga partisipante.