Christine Traders padayong nagmangtas
Padayong nagmangtas ang Christine Traders ug ilang nabiktima ang DJD Eng’g. pinaagi sa pag-iskor og daog, 100-90 aron temporaryong maghari sa liderato sa 2008 Power Forty President's Cup Summer League basketball tournament didto sa Inayawan Sports Complex.
Sa laing duwa, ang UTASSCO Utility nakahipos sab og daog human sab nila gilubong og 10 puntos ang Fag Machine Shop sa iskor nga 73-63.
Si Joey Escalon nga mibugha og 40 puntos maoy nangulo sa Christine nga nagbitbit og limpiyong 3-0 win-loss record. Mao sab ang nakuha ni Wilbor Cabrera kinsa miposa og 40 puntos aron pangulohan ang pilderong DJD Eng'g.
Samtang si Alex Mercado kinsa mibugha og 20 puntos mao ang nangulo sa UTASSCO nga adunay 1-1 nga baraha ug si Hermes Abasolo mao usab ang nangu sa Fag Machine Shop sa iyang 21 puntos.
Puntos matag
Christine (100) -- Escalon 40, Eleguin 12, Dejacto 10, Claro 9, Dela Rama 8, Dacalos 6, Abalo 6, Cejudo 5, Sabellano 4
DJD Eng’g. (90) -- Cabrera 40, Abasolo 20, Gerali 10, Dimitiman 10, Nuñez 8, Nacario 2
Ikaduhang duwa:
UTASSCO (73) -- Mercado 20, Yosores 13, Moniva 12, Yu 10, Nacional 7, Sillote 6, Labajo 3, Lisondra 2
Fag Machine Shop (63) -- Abasolo 21, Fuentes 14, Ylaya 10, Mosqueda 8, Villoga 4, Sabejon 4, Cabrera 2
- Latest
- Trending
