Power Play basketball clinic sugdan karong Sabado
Ang Power Play basketball clinic ni Lapu-Lapu City Chiefs coach Larry Villanil sugdan karong Marso 29 diha sa Lapu-Lapu Auditorium.
Ang clinic himuon sa alas-8:00 sa buntag gikan sa Lunes hangtod sa Biyernes.
Si Villanil kanhi magduduwa sa PBA ug siya maoy defensive gem sa Ginebra ug sa Pepsi Mega.
Human sa iyang pag-retiro sa PBA, si Villanil miduwa og commercial team sa Sugbu usa na niini ang RRA Paints nga gipanag-iya kaniadto ni Roland Ting.
Si Villanil sakop sab sa coach staff sa Cebu Gems
sa nabungkag na nga Metropolitan Basketball Association (MBA).
Ning bag-o, gigiyahan ni Villanil ang kampo sa Lapu-Lapu Chiefs pagpukan sa Bogo City Bogoys aron paglangkat sa labing unang titulo sa 1st Inter-city basketball tournament nga gipasiugdahan ni businessman Lorenzo 'Chao' Sy.
Alang sa dugang kasayoran mahimong motawag /text ni Villanil sa numero 0906-8939290.
- Latest
- Trending
