Sirlitz One-on-One basketball camp registration nagpadayon

Nagpadayon karon ang enrollment sa 5th season sa tinuig nga “Play Like The Pros” Sirlitz One-on-One Basketball Training Camp nga gikatakda karong Marso 31 hangtod sa Abril 27 anha sa Guadalupe Sports Complex.

Matud pa ni Edcel ‘Say’ Vallena, ang training camp director nga ang katapusang adlaw sa pagpanglista hangtod lamang karong Marso 30.

Ang registration fee nagkantidad og P1,000 matag magduduwa libre na niini ang reversible jersey ug basketball.

Ang training session himuon gikan sa alas-8:00 hangtod sa alas-10:00 sa buntag ug alas-10:00 sa buntag hangtod sa alas-12:00 sa udto gikan

sa Lunes hangtod sa Sabado.

Alang sa dugang mga kasayoran,  tawag o text sa  0918-5921136 or 0920-6390885.

Si Vallena, ang four-time champion coach sa nabungkag nga Cebu Basketball Federation (CBF)   nagkanayon nga ang mga partisipante tudloan og shooting, footwork, scientific dribbling ug defense.

Midugang si Vallena nga ang mga entrante tudloan sab og saktong paagi sa lay-up gamit ang wala ug tuo nga mga kamot, one-on-one isolation plays ug ingon man ang hiniusang Korean ug American basketball techniques.