"Play-on-One Basketball Training Camp gikatakda
Makahigayon na sab ang mga aspiring Cebuano hoopsters nga mobaid sa ilang abilidad pinaagi sa pagpahigayon sa ikalimang season sa tinuig nga “Play Like The Pros" Sirlitz One-on-One Basketball Training Camp nga gikatakda karong Marso 31 hangtod sa Abril 27 diha sa Guadalupe Sports Complex.
“I assure all the participants of a bigger and better Sirlitz cage clinic this summer, which is aimed at helping the campers reach their maximum potential on the hardcourt,”
matud pa ni training camp director Edcel ‘Say’ Vallena, kinsa
Si Vallena usa ka four-time champion coach sa Cebu Basketball Federation (CBF), diin iyang gitunolan ang Skygo Riders og talagsaong grandslam title sa nabungkag nga liga. Nahimo sab siyang coach sa General Milling Corporation (GMC) ug nahimo sab siyang Visayas trainor sa Philippine Team.
Ang enrollment sa Sirlitz One-on-One basketball clinic himuon karong Marso 24-30 diha sa Guadalupe Sports Complex.
Alang sa dugang mga kasayoran, mahimong motawag o text sa 0918-5921136 ug 0920-6390885.
Ang registration fee nagkantidad og P1,000 matag player libre na niini ang reversible jersey ug basketball.
Ang training sessions himuon gikan sa alas-8:00 hangtod sa alas-10:00 sa buntag ug alas-10:00 hangtod sa alas-12:00 sa udto gikan sa Lunes hangtod sa Sabado.
Matud pa ni Vallena nga gawas sa shooting, footwork ug scientific dribbling ug defense, ang mga partisipante tudloan sab og hustong paagi sa pag-lay up gamit ang wala ug tuo nga mga kamot, one-on-one or isolation plays ug Korean ug American basketball techniques.
“This is the new brand of training that we are going to introduce to all the young kids who want to be part of the Sirlitz basketball camp. I enjoin them to enroll now and they will surely get their money’s worth,” matud pa ni Vallena.
- Latest
- Trending
