Poomsae ilakip sa CVIRAA
Ang poomsae o matang sa taekwondo hingpit na nga kabahin sa DepEd-organized sporting events nga ilakip sa umaabot nga Central Visayas Regional Athletic Association (CVIRAA) Meet nga gikatakdang buksan karong Marso 25 sa Carlos P. Garcia Sports and Cultural Complex sa Tagbilaran City.
Kini maoy unang higayon nga ang poomsae ilakip sa kompetisyon sa CVIRAA ug ingon man sa Palarong Pambansa sukad kini gipaila sa nasud pipila na ka katuigan ang milabay.
Ang poomsae idugang sa kyorugi or sparring competition sa elementary ug secondary divisions.
Ang mga partisipante sa elementary level bahigon pinasikad sa gitas-an ug edad, samtang ang secondary level bahinon pinaagi sa weight division.
Segun sa DepEd memorandum nga gipagawas niadtong miaging bulan may kalabotan sa Palaro, kadto lamang mga jins kinsa nakaapil sa kyorugi ang makaapil sa poomsae event.
- Latest
- Trending
